Udaipur ek chhota sa shehar, lekin jise dekho to lagta hai jaise kisi ne zameen par jannat ke tukde bikher diye ho. Hawaon me itna sukoon, aur jheelon me itni baat-cheet chhupi hoti hai jaise shehar har pal koi raaz chupaye hai
Aur isi shehar ki ek simple si kahani shuru hoti hai ek ladki se - Minal. Na zyada shabd, na zyada rang. Ek aisi ladki jise duniya ne takleef ke alawa kuch khaas nahi diya, par phir bhi uski aankhon me ek khwaab tha - ek aisi duniya ka, jahan use koi samjhe, jahan koi sirf uske hone bhar se jiye.
Door kisi aur zameen par, Italy ke andheron me ek naam hai jo sirf darr nahi, izzat bhi ban chuka hai - Rehyansh Oberoi. Mafia duniya ka raja, vyapaarik samrajya ka malik. Uski duniya me mohabbat sirf ek lafz hai, jiske log bandook ki nok aur contract ki mohar ke beech dab kar reh jaate hain.
Aur ab kahani dono par tikti hai...
Baaki ke kirdaar apne waqt par parda uthayenge.
Now starting
Aaj Meenal apne liye ek nayi kitaab lene library gayi thi. Library ke andar bana chhota sa garden - wahi tha uska pasandida kona. Aaj wo wahaan baithi thi, ek neele full-sleeve suit me. Simple thi, magar us simplicity me kuch tha jo dekhne wale ko rok leta. Na wo khud ko sundar kehti thi, na duniya ne kabhi usse nazar se dekha. Gehuwa rang, reshmi baal aur bindi - bas itna hi uske liye kaafi tha.Kitaab khulti hai... aur halki muskaan ke saath kehti hai,
"Mahadev, kab bhejoge meri zindagi me koi kalpnik jaisa hero?"
Tabhi peeche se awaaz aati hai. Us or dekh dar kar wo jaldi se apni kitaab uthati hai aur khud se badbadaati hai,
"Chal bhaag, aisa na ho agli baari teri hi ho jaaye!"
Usne aisa kuch dekha... peeche ek aadmi kisi ko goli maar raha tha.Jaise hi wo palti, tab tak der ho chuki thi.
Uske charo or ek saath kai bodyguards khade ho chuke the. Sabne kaale suit pehne the, chehre par sakht expression, jaise ek ishaare par sab kuch badal denge. Wo dar ke maare kuch pal ke liye jad si ho gayi. Darte hue aankhein band karke boli,
"Kahan phans gayi main..."
Dheere se aankhein kholi to uski nazar wapas ussi bench ki taraf gayi jahan wo kuch der pehle baithi thi.Ab wahan koi aur baitha tha.
Ek three-piece suit pehne aadmi...Suit ka rang - peach
Height - 6 feet se bhi zyada
Chehra - doodh jaisa saaf
Baal - silky brown-black
Aur aankhein... hazel eyes...
Wo ek pal ke liye bas usse dekhti reh gayi.Ek bandook ki awaaz hawa ko cheer deti hai.Meenal ka jism ek pal ke liye jhatak gaya.
Usne peeche dekha - us bench se thodi door, ek kone me - koi aadmi goli se gira diya gaya tha. Ped ke peeche hone ke kaaran wajah nahi dikh paayi... lekin ek baat us pal tay ho gayi thi - uske shehar ki shanti ab uski kahani banne wali thi.
Wo aadmi apni hazel aankhon se usse aise ghoor raha tha... jaise abhi nigal lega.
Jaise uski nazaron se hi pooch raha ho,"Tum yahan kya kar rahi ho...?"
Uski maujoodgi hi kaafi thi sab kuch rok dene ke liye.
Wo aadmi bas baitha tha... magar aisa lag raha tha jaise poora mahaul uske ishaare par saans le raha ho.Maine himmat jutakar usse nazrein milayi aur kaha,
"Tumne... ek aadmi ko maar diya hai."Rehyansh ne apni gehri aur arrogant awaaz me jawab diya,"Hmm... matlab tumne sab dekh liya."
Usne darte hue kaha, "Haan... dekha. Aur ab main sabko batane ja rahi hoon... ki tumne kisi ki jaan li hai."Jaise hi wo palatne lagi, usne uska haath pakda aur ek jhatke me apni taraf kheench liya.
Wo seedha uski god me ja giri. Uski dhadkanein tez ho gayi.Mann hi mann boli, main zinda to bach jaungi na...Wo thodi door hote hue ghabraakar boli,
"Cho... chhodo mujhe!"
Rehyansh ne apni hazel aankhon se use gehraai se dekhte hue kaha,"itni jaldi kya hai? Abhi to tum sabko batane wali thi na?"
Write a comment ...